Кәсіптік бағдарлау, кәсіптік бағдар беру, мамандық таңдау немесе мамандыққа бағдарлау (лат. Professio – кәсіп және фр. orientation – қондырғы)-бұл оқушының жеке басы ерекшеліктері мен еңбек нарығындағы әлеуметтік-экономикалық жағдайды ескере отырып, мамандық таңдауда көмек көрсетуге, жастарға кәсіби өзін-өзі анықтауға және жұмысқа орналасуға көмек көрсетуге бағытталған шаралар жүйесі.
Кәсіби тұрғыдан өзін-өзі анықтаудағы қиындықтар (кәсіптік бағдар беру) оқушылардың көбісінде туындайды. Оқушылардың кәсіби бағдарын қалыптастыру процесі олардың жақын ортасының – ата-аналарының, таныстарының, достарының әсерінен немесе мектеп мұғалімдерінің, БАҚ-тың, мамандандырылған кәсіптік бағдарлау кабинеттерінің әсерінен жүзеге асырылады.
«Кәсіби бағдар» – бұл оқушының негізгі мүдделерін, қабілеттерін және тұлғалық ерекшеліктерін анықтауға және оларды жастардың болашақта барынша табысты болатын белгілі бір кәсіппен, мамандықпен немесе кәсіптер тобымен сәйкестендіруге бағытталған диагностикалық іс-шаралар жүйесі.
2020-2021 оқу жылында оқушылар қашықтықтан оқып жүр. Алайда кәсіби бағдар бойынша жұмыс үнемі жүргізіледі. Жоғары сынып оқушылары кәсіптік бағдар бойынша «Кім болып жұмыс істеу керек?» тестілеуден өткізілді. Сынып жетекшілері мамандық таңдау бойынша сынып сағаттарын өткізеді. Бұл жұмыс біздің мектептің оқушылары өздеріне ұнайтын және мансапта үлкен жетістікке жетуге көмектесетін мамандықты таңдауы үшін жыл бойы жүргізілетін болады.